الخرطوم أغلى عاصمة عقارياً في العالم

في اخر تصنيف عالمي لاسعار العقارات في العالم اتضح ان مدينة الخرطوم اغلى عاصمة عقاريا
هل تعلم انو في فلل ما قصور في الخرطوم يصل سعرها الى مليون دولار امريكي ومنها فيلا الاستاذ الدكتور البروفيسور......... اظن مافي داعي لذكر الاسامي
واكبر دليل على كدا زول قريب لي شديد شديد شديد شايل في جيبو شقى غربة كان شغال في الرياض دكتور وبالتحديد اخصائي عيون وكان عايز يشتري بيت في الخرطوم واتفاجا طبعا بالاسعار الخيالية ونسى الفكرة

في دورة تدريبية سافر لندن واتفاجا برضو انو سعربيوت في لندن بنفس المساحات اللقاها في الخرطوم وبنفس مستوى الاحياء في لندن طبعا ارخص بمراحل من الخرطوم وقرر انو يشتري بيت هناك ليو ولاهلو(امو وابو)واشتغل هناك طيب دا ماسوداني شرد والشاردين اكتر والحيشردوا اكتر

السؤال البطرح نفسه هنا وغصبا عننا لماذا؟؟؟؟؟

في الجاوب وقال زيادة الطلب وقلة العرض؟؟؟
وانا شايف النقطة دي غلط
السودانيين عندهم قروووش كتيرة للدرجة دي؟؟؟
اذا في على الاقل ماحيصلوا 35%
طيب الشباب الزينا ديل البحلموا بي البيت الخاص وووووووووووو
لماذا؟؟؟؟
المغتربين المساكين وانا شايفهم كلهم مساكين حيحققوا احلامهم كيف بالوضع الحالي دا ؟؟؟؟؟
من المستفيد ؟؟؟؟
وفي القال من الاساس تكاليف البناء غالية

طيب دي ما النقطة البنتكلم عنها زاتها

لية غالية

ماداير اطول اكتر من كدا

لكن ماحتصدقوني لو قلت ليكم الموضوع دا مزعلني كيف

والله يستر على احلامنا البدت تضيع واحدة ورا التانية

تحيات
عـ الازرق ــاشق